Stærsta tjaldið sem Seglagerðin Ægir býður til leigu er hið svokallaða Veislutjald. Veislutjaldið er afar glæsilegt sem hentar afskaplega vel fyrir fjölmennar veislur og samkomur.

Veislutjaldið hefur verið sérstaklega vinsælt fyrir brúðkaup og stórafmæli en einnig hafa ýmis fyrirtæki nýtt sér tjaldið til að auka við rými sitt fyrir til dæmis viðskiptasýningar, tímabundinn lager, útsölur og jafnvel hefur tjaldið verið notað sem bílastæðahús.Veislutjaldið er bjart og þægilegt sem og að bogadregnir gluggarnir skapa hátíðlegt yfirbragð.

 


 
 
 
 

Grindin sem heldur tjaldinu uppi er fínleg og snyrtileg úr ljósu áli. Mögulegt er að hafa marga innganga og velja þeim stað hvar sem er.
Venjulegur inngangur er 80 cm breiður en að auki er hægt að fá inngang sem er 270 cm.
Vegghæð veislutjaldsins er 220-240 cm en fyrir miðju er tjaldið 4 metrar. Tjaldið er 12 metrar á breidd en lengdin er breytanleg, allt eftir hve margar einingar af grindinni eru settar upp. Stærðin getur því verið allt frá 72 m2 og uppúr, hver eining er 3 metra löng.
Veislutjaldið er aðeins leigt með uppsetningu, ýmist með tveimur mönnum og þá útvegar leigjandinn aðstoðarmenn eða með fullkomnri uppsetningu.
Tjaldið er á kerru svo flutningur þess er mjög þægilegur.