Heim

Ert þú að sækja eitthvað sérstakt?

Skrifaðu hér undir það sem þú ert að sækja og smelltu "Leit"


 


Tjaldvagnaleiga

Tjaldvagninn er leigður í viku í senn afhentur á fimmtudögum skilað á miðvikudögum.

banner_tjaldvagnar

Frábær tjaldvagn í sumarfríið, fljótur og auðveldur í uppsetningu.
Ægisvagninn er þannig hannaður að hann er mjög auðveldur í tjöldun en það tekur aðeins um
10 til 15 sekúndur að tjalda honum án nokkurra áreynslu. Honum er velt yfir á hlið og nýtist
þá lokið sem gólf fyrir framan svefnaðstöðuna sem að er í boxinu sjálfu og einnig er innbyggð setuaðstaða fyrir fjóra.
Kassinn samanstendur af tveimur trefjaplastsskeljum (kassi og lok) sem lokast þannig að erfitt er fyrir ryk eða vatn að komast inn.
Gluggatjöld eru fyrir öllum gluggum. Ægisvagnsins og í svefnrými eru svefntjöld sem skipta því í tvö hólf sem þó er hægt að opna á milli og breyta í eitt stórt.
Svefnpláss er fyrir 4 fullorðna í rúmi, hægt er að setja auka dýnu á gólfið. Ægisvagninn er með FJÓRAR stuðningslappir, eina undir hverju horni auk þess að standa á nefhjóli að framan þannig að segja má að hann standi á fimm löppum.
Ægisvagninn er hentugur bæði fyrir þá sem hafa hugsað sér að stoppa í stuttan tíma á hverjum stað og þá sem ætla að vera í lengri tíma á hverjum stað fyrir sig. Ef að stoppað er í styttri tíma er nóg að opna bara vagninn og fá góða svefnaðstöðu og íveruaðstöðu þar fyrir framan. Ef að hins vegar á að stoppa í lengri tíma á hverjum stað er hægt að nota fortjald við vagninn sem að einfalt er að setja upp og eykur plássið gífurlega. Heildarþyngd vagnsins er aðeins 450 kg.

Sjá samsetningu á súlum fyrir Ægis fortjald.


Tjaldvagninn er leigður í viku í senn fimmtudaga -miðvikudaga og er leigan kr. 49.000.- með fortjaldi nema viku 23-32 er vikan 59.000,-.

Leigutaki ber ábyrgð á vagninum og búnaði hans og skuldbindur sig til að bæta það tjón sem verða kann á vagninum á meðan á leigutíma stendur.

Ábyrgð leigutaka fellur ekki niður fyrr en leigusali hefur móttekið vagninn á umsömdum skilatíma.

Leigutaki skuldbindur sig til að ganga vel um vagninn og skila honum HREINUM á umsömdum stað og tíma.

Sé vagninum ekki skilað hreinum skal leigutaki greiða þrifagjald, kr. 15.000.

Óheimilt er að aka með tjaldvagninn um vegatroðninga, götuslóðum, snjósköflum, ís, yfir óbrúaðar ár eða læki, um fjörur, forvaða eða aðrar vegaleysur.

Við þær aðstæður fellur kaskótrygging vagnsins niður og hugsanlegt tjón þá að öllu leyti á ábyrgð leigutaka.

Vagninn er kaskó tryggður fyrir tjóni sem verða kann á vagninum sjálfum, sjálfsábyrgð er kr. 90.000 sem leigutaki greiðir er um stórtjón er að ræða.

Ökutæki þarf að hafa viðurkenndan tengibúnað fyrir tjaldvagninn.

Reykingar og allt dýrahald eru með öllu bannaðar í tjaldvagninum.

Leigjanda er óheimilt að lána eða framleigja vagninn á leigutíma.

Vagninn skal sóttur að Eyjaslóð 5 á fimmtudögum milli kl. 13:00 og 16:00 og skilað HREINUM ásamt fortjaldi að Eyjaslóð 5 á miðvikudögum milli kl.8:00 og 12:00.

Staðfestingargjald er kr. 15.000. greiðist við bókun inná reikning 306-26-107 kt. 420177-0119 og er óafturkræft.

Leigutaki þarf að skila inn kreditkortanúmeri sem tryggingu.

Smelltu hér til að skoða vagninn nánar.

Nánari upplýsingar og pantanir í þessu netfangi.

 seglagerdin@seglagerdin.is  


Til baka

Seglagerðin Ægir - Eyjarslóð 5, 101 Reykjavík - Sími: 511 2200 - Fax: 511 2211 - seglagerdin@seglagerdin.is

Seglagerðin Ægir áskilur sér rétt til að breyta öllum verðum og skilmálum án fyrirvara